【viu】今晚Ian@MIRROR處男演唱會
《IAN CHAN "TEARS" IN MY SIGHT SOLO CONCERT 2024》
第3首歌，就係《搞不懂》！唱之前陳仔先喺台上quick change，一除件白色褸嗰陣，全場Hellosss忍唔住尖叫！佢再同大家打招呼，歡迎大家嚟到Ian Chan首場個人騷，又笑話自己都等咗好耐！
然後陳仔講到點解一開始唔係唱歌先，而係先彈奏久石讓嘅《One Summer’s Day》做序曲，背後故事係關一位1993年出世嘅小男孩事？Ian為照顧四面觀眾，邊唱邊勁sweet走勻「鯨魚」嘅每個角落，Hellosss暈晒大浪未？
今晚Ian忠粉、房屋局常任秘書長兼房屋署署長羅淑佩，以及香港行政會議成員李國章都有嚟捧場！藝人好友如鄭伊健、古巨基等就有送贈花籃！而亞博Hall 3就係「IANZONE」，超多Hellosss提早入亞博排隊攞FC精心準備嘅應援掛繩，溫馨提示7日都唔同款㗎！想集齊7款嘅話，你哋識做啦！當然唔少得大合照同嗌口號環節啦，好熱血呀！快啲睇片啦！
