【Viu】Ian陳卓賢今日喺觀塘出席《IAN CHAN”TEARS “IN MY SIGHT SOLO CONCERT 2024》記者會，宣布將於7月20號至22號喺亞博舉行首個個人演唱會，仲親解點解以Tears眼淚為題，海報又化身「淚之王子」，好Charm呀！
Ian坦言心情興奮多過緊張，由於有好多想法希望呈現，所以做埋音樂總監，舞台亦別出心裁，可以畀觀眾360度包圍自己，陳總監真係好叻叻呀！講到Hellosss喺記者會上公開爭取加場，Ian同樣積極爭取，仲賭上今年嘅生日願望，等你好消息呀！
除咗唱歌外，Ian仲預告會跳舞，又笑言要將舞功「傾囊而出」，識唔識嘅舞種都跳吓。咦？咁歌衫又會唔會同樣大方呢？醒目陳就咁答喇！想知就睇足本訪問啦！
