【Viu】九展拆卸在即，倒數第4晚，樂隊ROVER喺中庭舉行《ROVER告別九展音樂會》，同大家好好告別九展！四子大唱歷年喺九展開過騷嘅歌手名曲，用靚聲俘虜全場fans耳仔，見亨仔繼續大騷吸睛麒麟臂，滿足埋fans嘅視覺部份！
去到音樂會尾聲，《全民造星》主題曲《前傳》嘅前奏一響起，所有fans都勁興奮！四子又分別share對九展嘅感受，之後再帶嚟出道作《秒速8公里》兼首唱新歌《回魂術》，炒熱氣氛！完騷前四子回望中庭上嘅大銀幕：「感謝曾經到訪的你們，保重，再見。」然後佢哋緊緊攬實對方，離開時見到四子都眼濕濕，場面感人！Good Bye九展！
