【viu】樂隊ROVER、KC同Tsoul為答謝fans嘅支持，今日落區busking兼打卡！六子事前話一啲都唔緊張，事關已經出咗道，係專業嘅藝人，保持隨時on show心態，抵讚！
ROVER透露呢排籌備緊第二首歌，噚晚仲搞到凌晨4、5點添！四子話好滿意新作，亨仔更笑話首歌似Tsoul咁得意，叫大家期待吓！咁就真係要聽過先知！
KC同Tsoul最近就搵嚟唔同好友拍《GET SILLY》嘅dance challenge，遲吓ROVER就必定走唔甩嘅！Tsoul更話最想搵姜濤師兄cover，因為對方都有跳popping，唔止添呀！個cover list仲有Phoebus、肥仔、Lyman、折骨Ben等，可以集齊咁多屆嘅造星冠軍喎！至於KC啦喎⋯ 佢心目中就只得一個人選，秒答女友WinWin，無時無刻都要放閃，最佳男友是也！On仔之前自薦搵埋蕾老師同班仔仔一齊跳唱，呢組又有冇機呢？同時KC話有好消息要宣布！究竟係咩？咁就要睇片先知啦！
