【Viu】ViuTV首隊樂隊ROVER誕生僅大半個月，就憑出道作《秒速8公里》喪吸fans，嗰團火真係唔惹少！四子亦話發夢都冇諗過有夾band嘅機會，回想番一年前都仲係爭緊入《造星V》30強！突然間令佢哋夢想成真，興奮嘅背後同時存在擔憂，四子又點樣喺短時間之內調整心態呢？
而身為樂隊界嘅new born baby，即刻就要出題考考四子，睇吓佢哋對樂隊前輩s嘅歌知多少！但個玩法絕對唔係齋聽前奏舉手答咁簡單，過程中笑死無命賠，幫幫眼睇吓實有冇成員出貓！輸咗要接受大懲罰㗎！另外，四子仲會拆解「ROVER」嘅由來，又講到如果可以畀佢哋大執位，會想負責邊個崗位？開啟手刀mode click入去睇片，同ROVER燃盡熱情！
