【viu】恭喜小肥又開騷啦！計埋今次，已經係小肥第三次喺麥花臣舉行演唱會，確實係「麥花臣之王」無誤！而呢次個騷名就勁啦！叫做「小肥『完全變態』演唱會」，係點變態法？同埋又係邊方面嘅變態？喺入正題之前，就聽聽小肥有咩「變態」黑歷史先啦！
聽完小肥啲威水史之後，就畀個機會佢拋書包，解釋「完全變態」呢個進化學名！唔知道以呢個進化理論套用喺佢嘅歌唱路上，又點劃分啲階段呢？小肥喺邊個moment係最深刻？
佢又透露今次個演唱會會分咗兩part，其中一part會以LGBT（同志群體總稱）做主題，帶嚟6首全新嘅歌；另一part就梗係唱經典歌啦！不過，小肥預告有首歌係以後都唔會唱！究竟係邊首歌？典解唔會再唱？等小肥親自解畫！
