【Viu】《12怪盜》謝票今日嚟到沙田站，有「華安」Edan同Dee哥合體！今日係愚人節，Edan總會諗到計仔氹大家開心，佢哋化身「呂保安」同「華保安」，戴晒cap帽、黑衫黑褲混入保安群中出場，差啲連小編都呃埋，勁呀！唔止呀，原來兩位保安喺出現戲院前，已經為另一場謝票成員Jer做真‧保安護航，一路上啲鏡粉都冇發現，係勁上加勁！
Edan今日推出新歌《油麻地莎士比亞》，Dee哥最近又幫193新歌執導，兩人互相幫對方宣傳，真係兄弟世一！有fans問MIRROR X ERROR 16子如果拍續集，咁ERROR應該有咩技能？Edan話Dee應該同Ian一樣「大腦擔當」，做一啲策劃性角色，保錡就瘋狂跑步，Dee就話肥仔技能係食晒啲廚餘，笑cry呀，但193因一事唔畀出現咁陰功豬，想知就要睇訪問片嘞。
