【Viu】ERROR正副隊長Fatboy同Dee哥今日喺樂富出席活動，同Fans大玩遊戲，仲話想學MIRROR咁開見面祭孖404互動！講到日前嘅音樂會因颱風襲港而一日唱兩場，兩位都話好大挑戰，Fatboy仲踢爆Dee哥對唱歌嘅信心爆升，《初戀》亦取代《相依為命》成為「Dee哥金曲」，Dee哥仲即席清唱咗兩句，有料喎！
既然信心大增，Dee哥嘅solo大計係咪Ready呢？「頭腦擔當」Dee哥秒速諗到歌名叫《樂富五車》，Hard sell得嚟又有創意；Fatboy就爆笑建議Dee哥出《去非洲唱情歌》，連MV都諗埋點拍，真係笑死人冇命賠呀！
講到193喺社交網站自稱「娛樂圈deepweb」，反擊網友屈佢同Lolly Talk嘅Tania拍拖，Fatboy同Dee哥梗係力撐3爺啦，事關今次真係畀人屈㗎嘛！笑指網友話背影似Dee哥，佢就激動澄清，仲同Fatboy「神還原」爆料相，仲開心Share想同邊位女星傳緋聞添！想笑餐飽就睇足本訪問啦！
