【Viu】阿Dee@ERROR今日現身時裝展活動，同場仲有好耐冇見嘅Dee姐陳海寧，Dee哥Dee姐好耐冇合體啦！阿Dee着咗件大開4個窿嘅短身褸，一對麒麟臂線條若隱若現！佢自稱如果係以ERROR隊員身份去界定喺隊中嘅fashion sense，就會係低於193，但如果撇除成員身份，佢好firm咁話係排第一！跟手舉例力證，包括係着瑜伽褲排舞、《造星》獲分派白色西裝侯賽因造型等，聽埋阿Dee嘅講解係會笑到肚痛！
上個月過35歲生日嘅阿Dee，笑言願望係細一歲，呢個願望都幾特別，但實際又做唔做到呢？佢又自爆最近獨自「回鄉」，有冇伴再玩酒精怒跑？再問有冇「出血」怒買嗰陣，阿Dee聲稱冇買太多，莫非係因為要供樓而唔敢亂使錢？仲要係供兩層樓？
《造星VI》蓄勢待播，編審KK爆料指肥仔成日去探班呃show，阿Dee聽到笑答係傳統，稱肥仔係「探班員」，唔知佢又有冇份？點睇肥仔探班呃show呢件事？提到肥仔演舞台劇唔記得拉褲鏈，阿Dee再次淡然回應：「我哋睇慣咗！因為冇嘢睇！」認真抵死！但同時都大讚肥仔演技進步神速，希望有舞台劇獎嘅提名！
另外，《ERROR大冒險》近日再被熱論，Alton更大爆大導Dee係有斟拍，而當事人呢日承認有呢回事，特別點名Alton係最願意付出藝術代價！咁係咪真係會開拍？又提起濟哥爆當年Tiger係最大受害人，大導Dee睇嚟唔多認同，話大家有「孟加拉效應」，此話何解呢？想知就睇足本訪問啦！
