【Viu】Edan呂爵安今日出席代言活動，吸引大批爵屎撐場，仲餵「正印」小儀食嘢，搞到女方「老貓燒鬚」勁怕醜！Edan自認「屙得」，但並非MIRROR之冠，但會做「唔講得」幫隊友保守秘密，認真夠雷！
對於小組團綜《呂濤米Lo Seoul》笑爆一眾Fans，Edan直認係「創作主腦」，設計咗好多大癲Items，仲話其實有好多片段未出街，如果節目組得閒歡迎剪足本版，仲揚言下次要拍每集一個鐘嘅節目！
講到日前化身執事嗰陣掃到「姜B」，Edan笑言要用「神秘」嚟形容，但澄清冇掂到姜濤嘅敏感部位。至於獲SJ「門面擔當」崔始源盛讚靚仔，Edan話自己嘅美貌終於得到肯定，有吐一口烏氣嘅感覺，仲大讚前輩擁有雪亮嘅眼睛！
至於Fans最關心嘅合約問題，Edan當然輕鬆化解，仲爆埋花姐少女心爆發嘅Moment，以及回應好兄弟Jeffrey拍戲受傷一事，想知就睇足本訪問啦！
