【Viu】Alfred許廷鏗今個聖誕喺西九舉行一連三場戶外騷，嚟到尾場boxing day，佢話感受寧舍深！去到尾場，Alfred大騷quali，自彈自唱《無力感》，臨唱仲叫大家幫佢壯膽，事關佢笑話台下有好多結他高手！
唱到《微時》，死黨鄧小巧登場，Alfred唱到一半就背住fans淚崩，小巧取笑老友係「大喊十」，次次唱呢首都一定忍唔住！Alfred嘲笑自己愈大愈眼淺，又道出今晚喊到癲嘅背後故事，原來係關最近一次佢哋兩個上Joyce鄭欣宜屋企飯聚嘅對話內容！之後Alfred仲抵死「投訴」係小巧渡佢行獨立歌手呢條路，但最後小巧又自己簽咗大唱片公司，點知小巧一句KO老友！臨完場Alfred送上《佛系人生》，台下fans企晒起身揮手場面震撼！又邊唱邊同fans玩selfie添！快啲睇實況片享受開戶外騷嘅威力！
