【Viu】Alfred許廷鏗順利完成三場西九戶外騷，受訪首先講到佢同鄧小巧合唱《微時》爆喊，佢笑話離遠一見到對方身影就知出事，加埋同鄭欣宜、林欣彤能夠keep到10幾年嘅友誼真係好難得！Alfred又話喊係包括埋籌備呢次演唱會真係好辛苦，計埋搞市集，就好似搞咗個音樂祭出嚟咁！
問到Joyce有冇嚟睇騷？Alfred話有收到對方嘅花籃，更自爆被Joyce嘅message整喊！而自稱已踩入跳唱歌手領域、仲係行喺最前點嘅Alfred，揚言要向Joyce下戰書battle跳舞，又得戚話成功搣甩20磅就係佢最近下苦功練舞嘅成果，兼爆自戀mode on翻睇練習片至凌晨5點！相信兩邊fans都超想睇呢場強強對決！
另外，繼上年除夕倒數撻Q，Alfred今次倒數聖誕又失敗，到底發生了甚麼事？搞到佢自我放棄話：「唔好再叫我倒數！」定佢會三度挑戰倒數？即刻去足本訪問片啦！
