【Viu】《飯戲攻心2》今晚喺主題樂園搞「夜繽婚訂FUN禮」，一眾主演張繼聰、Stephy鄧麗欣、林明禎、Dee哥、Jeffrey、Ivana王菀之、Peter陳湛文等盛裝現身。就係唔見「大佬」黃子華，導演兼編劇陳詠燊爆子華神離港追夢，仲劇透新戲涉3單婚宴添！
今次Dee哥、Jeffrey新加入，演大明星嘅Jeffrey喺戲入面超迷戀明禎BB，仲學埋BB「親一個」嘅金句，仲同Dee哥即場battle呢句嘅招牌動作添！同時明禎BB更預告農曆新年會留港宣傳，甚至諗定着咩戰衣去戲院收大家嘅「人情」！
Ivana就話當初知道冇子華神有失落，不過Stephy就話大佬精神長存，咁子華神是咪會客串？佢哋就即刻扮傻喇！阿聰同Stephy又係咪新婚愉快？上一集又砌床又激戰，今集會離開屋企喎，但就賣關子話有濃濃嘅感情戲份！仲想知佢哋爆咗啲咩內幕？就連戲服都可以講一餐，撳入去睇足本訪問片啦！
