【Viu】張敬軒、Ivana王菀之、Jeffrey魏浚笙、阿正、洪嘉豪等噚晚出席賀歲片《超神經械刧案下》慈善首映，一眾Fans早上9點已經喺鬧巿冒寒霸位，當偶像出場時，尖叫聲真係震爆銅鑼灣呀！
軒公笑言想同Ivana再合作，最好係拍清朝版，自己唔介意剃頭，甚至反串扮女人！佢仲話如果票房過3000萬，就同Ivana唔戴拳套打擂台，又爆Ivana目睹洪嘉豪拍正面全裸時，個表情好微妙，笑Cry呀！
至於阿正就最期待睇Jeffrey嘅裸跑戲，皆因喺現場冇得埋身睇，二人仲笑言《超》片喺Edan正日生日上映，就當做送畀佢嘅最大禮物！阿正直認喺《軒公敲碗》畀軒公按摩好enjoy，仲欲仙欲死添呀！嘉豪就回味緊BLACKPINK演唱會，可惜坐太遠，睇唔清楚「愛妻」！
