【Viu】「煨Sir」Jeffrey近排成日做「空中飛人」，隔咗好一陣子先見番佢真人出event！見Jeffrey喺fashion week化身小fans喪集郵，不過就笑話冇諗住向「追星天花板」Edan挑機！而此行佢都有同「伯樂」Wyman見面，透露會有第三度合作，果然有料到！
至於好多網民都留意到，煨Sir有次喺story唔小心掃到超靚仔哥哥嘅側面，引起全城心心眼！Jeffrey搞笑話私下唔會比較，又指哥哥注重金融工作無意入行，而且重點嚟啦！哥哥係有另一半㗎啦⋯ 嗚嗚⋯
女神方面有就明禎BB啦！講起佢榮升廣告女王，明禎BB直言今年比上年收入大增，同時間佢諗住下個目標向慈善方面入手，覺得係時候以綿力回饋香港，仲唔係人美心善？另外，台灣「#MeToo」風威力強勁，明禎BB話之前有同黃子佼嘅網台合作，當聽到對方陷性醜聞，佢即刻擘大對眼勁shock，仲澄清冇發生過唔開心嘅事！
