【Viu】Ivana王菀之正舉行一連六場嘅西九音樂會，亦係佢首次嘗試沉浸式藝術演出！場內展示咗好多Ivana嘅畫作同影像，演出分兩part，幾乎首首都同全場fans大合唱，Ivana搞笑同fans話合埋眼「睇」騷。
一向對陌生人怕醜嘅Ivana騷後笑話都係第一次咁近對住觀眾，以為自己會好緊張，但演出嗰陣又冇喎！佢又話呢次開騷令佢諗起初出道之前、仲係唱作人嗰陣，都係周圍咁去分享自己嘅音樂：「嗰時同觀眾距離都係好近，嗰種親密感覺好好！我想同觀眾講，希望佢哋多啲時間去欣賞成個會場嘅展示，掛住聽我唱歌就唔夠時間去睇我啲肥波兔畫同動畫，我唱完之後，佢哋可以繼續留喺度慢慢欣賞。」
