【Viu】延續電影《飯戲攻心》嘅情節，Ivana王菀之、陳湛文呢對「夫妻CP」破處合體接job，一見面就互笠高帽，近日宣布離開寰亞、以獨立歌手身份發展嘅Ivana，亦有講到離巢原因，更透露正如火如荼籌備連續兩個嘅音樂會。講到老友張敬軒早前「中招」，啱啱先做「陽過」，Ivana指都有message貼心慰問，但就慘豬樣咁話冇收到回覆，仲抵死以淡言mode講笑話，若然軒仔再唔覆佢就唔去賀歲片《超神經械劫案下》嘅宣傳活動，果然高招！之後Ivana提起戲中有好多動作戲嗰陣，都不忘笑「潤」軒仔：「（我）打嘅戲經驗比較少，所以有受傷嘅情況，I mean對方個經驗比較少，佢冇就住我嚟打！」呢舖軒仔真係躺着也中槍！
另外，陳湛文指正排練2月中開始公演嘅《飯戲攻心》舞台劇，心情非常之緊張，趁早前有時間同妻女重遊日本影全家福。
