【Viu】王菀之（Ivana）、林德信、朱鑑然、「肥腸」徐浩昌今日出席電影《一樣的天空》記者會，Ivana首次飾演社工，竟然唔使出動招牌嘅「陰聲細氣」，又賣關子避談會唔會做老友張敬軒嘅演唱會嘉賓，想睇「皇上皇后」合體嘅朋友，就要賭彩數喇！至於肥腸喺片中演結他手，唔識樂器嘅佢笑言演技搭夠，但可惜冇得唱歌，冇機會再騷「天籟之音」！肥腸話《膠戰S3》仲未有眉目，起碼都要等Edan哥做完MIRROR嘅紅館騷，仲自爆開騷消息甫傳出，已經有朋友想訂飛，但自己一概拒絕，唔想增加Edan哥負擔咁話，認真有義氣呀！
