【Viu】教主Anson Lo相隔9個月，噚日推出全新跳唱歌《MONEY》，MV噚晚8點上架唔夠一日時間，已經衝破100萬點擊，真係大癲啊！幕後功臣當然都係教主啦，因為今次成個MV構思，都係由佢一手策劃，然後再有導演幫佢變成現實。而今次MV，教主一共換上5套造型，要數到最令神徒驚喜嘅，梗係呢個露全額加雀斑妝嘅大銀行家造型！教主果然牙齒當金使，話咗露額就露額，respect！另外今次新歌都有一段招牌手勢舞，教主仲話要向各位神徒發出《MONEY》challenge，大家記得loop多幾次MV學舞喇！
