【Viu】教主Anson Lo盧瀚霆今日出席自家品牌ALLOVER活動，孖逾千神徒過情人節，「寵粉霆」無限上線，除咗同大家selfie外，仲清唱《不可愛教主》冧Fans，相信呢個情人節對神徒嚟講真係好難忘喇！不過，教主都心痛Fans一早嚟霸位，希望大家一團和氣，唔好鬧交！
Anson Lo直認榮升「盧總」壓力大，笑言呢個稱呼唔夠謙虛但夠搞笑，但避談古巨基有冇份入股，亦寄語Fans唔好食炒價入貨。
此外，講到佢噚晚通頂拍MV，教主靠專業精神頂住，但腰痛舊患就難頂啲，早兩日仲風濕發作，輾轉難眠呀！之但係男人條腰好重要喎，AL就強調「功能」正常嘅，鬼馬喇你！
