【Viu】年三十，Jeffrey、阿正、肥腸一齊坐低邊食團年飯，邊同大家分享自己嘅過年習俗同兔年願望！講到被占卜師指1月姻緣到，阿正就話等了又等都唔見真命天子，其實Jeffrey同肥腸好希望阿正快啲出pool，仲再次呼籲想結識阿正嘅男仔，記得inbox 6膠IG！ 而肥腸都自爆擇偶條件，話經朋友一提，先發現自己鍾意口大嘅女仔，皆因覺得佢哋笑起嚟好好睇，搞到阿正當堂嘟起個櫻桃小嘴，真係俾佢笑死啊！Jeffrey就表示兔年要做個有內涵嘅人，希望無論音樂定演技方面都有進步，但被問到想唔想同阿正演一對情侶，佢嘅答案傷透咗阿正個心啊陰公！
另外佢哋齊齊寫揮春祝賀對方，Jeffrey一嚟就寫咗句「正正經經」送俾阿正，好有寓意噃！收完份「厚禮」，阿正都即刻Jeffrey「還禮」啊！到底佢地分別寫咗啲咩？記得睇片啦！
