【Viu】陳奕迅《FEAR AND DREAMS演唱會》噚晚去到第二十四場，到encore部份，Eason唱自己近年最愛嘅一首國語歌《相信你的人》，佢話知道香港人鍾意廣東歌，但佢認為一首好歌，係唔需要分語言，講講吓仲罕有喺觀眾面前落淚，「唉，我係唔suppose俾呢個樣你哋，二十幾年來，我從來都唔會俾呢個樣大家睇嘅……唉，羞家，失禮失禮..... 我通常剩係帶歡樂同慎怒俾大家，哈哈......我冇哀愁，哀愁喺晒歌裡面，我亦唔想喊，喊緊點唱歌俾大家聽......呢隻歌陪咗我兩、三年，每當我有不開心，迷惘時，呢隻歌俾咗好多力量我，所以我特登揀來送俾大家，請大家相信：勇氣就係魔術，可以幫到你。」而Eason噚日推出新歌《盲婚啞嫁》，佢亦喺紅館首播10幾分鐘嘅MV微電影，更即席演唱新作添！
