【Viu】喺ViuTV新劇《季前賽》入面，張繼聰就飾演球隊教練帶領大家，而喺戲外佢亦同一班年輕演員打成一片，仲自爆劇組所有人都叫佢阿聰，佢講笑話：「聰哥都唔嗌聲，痴線㗎！」剩係呢句就知佢哋私下有幾friend啦！阿聰之前曾經被公開輸波畀姜濤而被罰做掌上壓嘅片，咁當然佢哋嘅比拼唔止一次半次啦，但阿聰就話自己好錫姜濤，唔會將佢罰做掌上壓嘅片放上網，要保住對方形象咁話喎！而肥仔亦成為阿聰嘅心頭好，阿聰仲話肥仔好似魔人布歐咁，外表cutecute但內裡有好多功夫可以殺人於無形，提到Stanley曾經為佢嘅演唱會伴舞，阿聰都話睇見Stanley有依家咁嘅成就，好戥對方高興，仲話所有嘢都係Stanley自己努力得返嚟嘅！另外佢亦大讚YoYo葛綽瑤第一次拍劇嘅表現非常出色。
拍完《季前賽》，阿聰似乎覺得有啲唔夠喉，所以度咗個新故事，想同姜濤、Edan佢哋再合作，想知故仔講咩？即刻睇片啦！
