【Viu】姜濤同屋企人飛巴黎再去埋英國，玩足大半個月今日返港，航班大約朝早9點抵達，而姜濤同姜媽就喺接近10點經特別通道現身直接上七人車離開，行前嘅姜媽拎住個英國旗環保袋開心揮手say hi，應該就係戰利品之一啦！跟隨其後嘅全黑look姜濤，一見到傳媒即刻點頭、揮手打招呼，更應傳媒要求停低影相，臨上車前仲好窩心、雙手合十表示：「辛苦晒！」離開過程非常順暢！
機場方面一早set定傳媒、fans區以避免有混亂，就現場所見只有數名「姜糖」散落唔同角落，機場保安同警察人數加埋超過20名，人數多過「姜糖」，睇嚟係姜Admin噚日呼籲「姜糖」唔好嚟接機有顯著成效，一班「姜糖」乖乖聽話！
