【Viu】MIRROR休息咗兩個月後，噚晚突然宣佈今日推出新團歌《We All Are》，MV裡面首先見到姜濤望住窗外嘅大雨沉思，之後到其他兄弟輪住出場，大家嘅表情起初都好愁，但隨着個天越見晴朗佢哋亦開始露出靚仔笑容。《We All Are》由徐浩作曲同監製，填詞部分就由Team MIRROR負責，即係12位鏡仔都有份！今次12子用咗三日時間拍呢個MV，當中有好多場口同角度要拍，Lokman、AK、姜濤、Anson Lo、Edan、Stanley、Jer、Frankie、Jeremy、Alton、Tiger同Ian都分別展現咗最真實嘅一面，最後佢哋仲一齊合唱，成個畫面配合歌曲散發出朝氣同埋希望，相信Fans都期待咗呢個畫面好耐喇！
