【Viu】今日教主Anson Lo盧瀚霆同Jeremy李駿傑出發韓國仁川呀！隨住政府放寬防疫措施0+3，唔少港人急急腳買飛「返鄉下」走轉。所以教主同Jeremy今日都孖住來一場說走就走的旅行！大批歌迷收到風朝早11點就出現機場等候，而教主同Jeremy就係坐下午飛機離港，佢哋大約喺中午12點幾，由機場工作人員開路，行特別通道入閘。而教主同Jeremy由落七人車一刻，直至見到歌迷嘅愛的呼喚，全程都好有禮貌點頭示好，不過二人就冇停低同大家傾偈，可能驚引起混亂啦！希望佢哋此行好好放鬆，叉足電咁返嚟啦！
