【Viu】千呼萬喚嘅MIRROR紅館演唱會今晚正式開鑼，睇騷前各位鏡粉可以先去尖沙咀The One瘋狂打卡，中庭除咗有12子黑白型爆人型擺設外，10-11樓就係粉絲應援區，人型公仔、氣球、燈牌、作品牆應有盡有，每個角落都非常IG able；姜糖仲安排咗茶餐廳為主題嘅「姜記冰室」，可以體驗卑姜濤餵食薯條滋味，吸引大批男女老幼鏡粉出動打卡。
而9樓就係MIRO Pop-up Store專區，現場設有一系列周邊產品，包括應援手燈、圓扇、帽、Tote bag等等，排頭位嘅男士鏡粉阿橙表示早上9點3已經到達，購入T shirt後即向記者展示戰利品，表示MIRROR十二人個個都咁支持！另有粉絲豪花三千蚊掃貨，黎小姐話除咗Tote bag樣樣都買齊，已經準備好今晚入場睇騷！
