【Viu】TYSON YOSHI下個月就喺九展開四場騷，上個月佢出咗新歌《if i die tonight》，MV噚晚終於上架！TYSON繼續西人mode百無禁忌，膽粗粗玩伏屍大宅又著西裝瞓棺材。Tyson仲請嚟三位演技派演員客串，有談善言、朱栢謙同何華超，分別扮演探長、未婚妻同管家，有咁多好戲之人加持，Tyson都好老定咁話自己就可以專心扮死屍。而MV最大嘅焦點當然係拍攝場境啦，除咗有香港大學借出玫瑰園，老友張敬軒都出心出力，仲借出埋自己嘅薄扶林百年歷史大宅拍攝，Tyson都好識做喺MV最後特別鳴謝軒公，又喺IG留言話多謝大佬借間屋俾佢拍，呢位前輩認真夠義氣呀！
而Tyson個樣雖然勁cool，但佢出名縱到女朋友上天，早幾日Christy 28歲生日，佢哋先去嘆Omakase，Tyson又送花又寫卡，Christy冧死咗啦！
