【Viu】Tyson Yoshi 今日喺銅鑼灣出席《MY NEW WORLD ORDER》藝術展及POP-UP Store，入面除咗展出Tyson嘅收藏品外，佢演唱會嘅紀念品亦會喺聽日開賣。講到今次演唱會以實名制賣飛，Tyson話雖然蝕錢，但為咗杜絕啲騙子同黃牛，所以都在所不計：「因為咁要額外請多咗人手驗票對名，又要book多間房，不過唔緊要，因為都想杜絕啲騙子，之後先到黃牛。」預計今次演唱會會有七成門票公開發，問到會唔會考慮加場？Tyson即話：「唔加喇，唱四場好攰喇，夠喇。」佢又話本身有考慮過去台灣、英國嗰啲開巡迴演唱，但計過數成本太高所以打消咗呢個念頭。
