【Viu】Amy Lo盧慧敏、Anjaylia陳嘉寶、梁仲恆同衛詩雅等噚晚出席戲院開幕，Amy同Anjay都話想多啲拍電影，Amy話唔介意同Ian演情侶，但反問咁係咪叫演戲呢？又承認喺ig唱《Untill I Found You》係向Ian憑歌寄意，甜到漏！
至於梁仲恆笑言有意全裸現身金像獎紅地氈搶鏡，佢又話睇好柯煒林捧走新人獎，皆因對方無可挑剔；影帝就偏心林家棟，仲預告如果食白果的話，會咀爆柯煒林搶Fo，認真搞笑！
衛詩雅有份幫陳家樂向連詩雅求婚，原來籌備超過一個月，連戒指都有份幫吓眼，祝佢哋早生貴子咁話！
