【Viu】下個星期四（9日）就係Ian（陳卓賢）嘅29歲牛一，Hellosss幫佢做嘅生日應援簡直係源源不絕，就好似早前發起去沙灘執垃圾活動，今日起仲為期10日喺九展搞嘅慈善展覽，Hellosss代表Boo受訪話鍾意咗Ian兩年，冧爆話男神有太多優點數唔晒，問到fans club搞今次展覽花費咗幾多數字？Boo表示唔透露啦，不過呢次活動佢哋足足用咗兩個月嘅時間籌備，真係好有heart呀！
仲一班Hellosss仲帶埋「小卓賢」嚟打卡，豆、Yan、Wing早喺10點就喺場外排隊，勁hyper咁話偶像生日開心過自己生日呀！又話support咗Ian好多年，一路見證住佢成長好感動，甚至依家有埋女友Amy Lo都好支持，係真正嘅愛屋及烏！同場亦不乏Hellosss家長帶埋小朋友到場，同偶像慶祝生日當親子活動確實唔錯，其中Shirry自爆買到MIRROR紅館演唱會飛，想葡萄死人咩？
