【Viu】Dear Jane今日喺中環今日為口罩品牌擔任一日限定店長，Tim話佢哋四個早已經分好工，自己同nice做收銀，Jackal做執貨，至於同客人溝通講解嘅工作就留畀Howie。Dear Jane話今次口罩物係採用環保物料製作，佢哋四個都話而家嘅人都重視咗環保，Tim話：「好似大家都知要分類，出街又會用水樽，好似我個女咁，由細到大都用水樽飲水。」講到嚟緊八月同C Allstar 個騷，Dear Jane話大致上已經傾好晒，仲話因為佢哋兩隊人都有好多歌想唱，所以未必會請嘉賓。除咗呢個crossover嘅演出外，Tim又透露年尾會有屬於Dear Jane嘅自己騷：「因為我哋好想有屬於自己嘅戶外騷，所以都努力緊。」
6月23號係Tim囝囝嘅一歲生日，Tim笑住咁話個仔咁細個，對慶祝嘅方法冇咩要求：「我哋分咗兩日慶祝嘅，一日就係食飯，佢就喺啲playground度玩，另一日就去咗樂園，但主力其實係個女玩，阿仔都係坐喺BB車度。佢得一歲都仲未會記得啦，等佢兩歲先再花啲心思啦。」
