【Viu】黃夏蕙今日同徒弟仇穎敏錄影經理人Simon主持嘅節目，佢透露8月底離港去美國探子孫，皆因自己已經四代同堂，到時順便登台，之後就同老公環遊世界喇！夏蕙BB又搞笑話，因為疫情踎喺新界3年，依家要去環遊世界喇，羨慕死小編喇！
講到網友關心佢上機會唔會落妝，BB話一定會，但當聽到記者要去送機時，佢又話要化返妝喇，臨別留低最靚一面！
夏蕙BB直言好唔捨得香港，所以會搞Farewell Party，但如果基金會有需要，都會買機票返嚟幫手嘅。佢又話臨走前一定會去黃大仙稟神，仲預告就算去到美國，都會扮兔女郎拜神畀大家睇，夏蕙BB世一呀！
