【Viu】Yoyo （葛綽瑤）一直對戲劇都好有興趣，所以當簽約ViuTV後被告知主力拍劇同綜藝節目寧舍開心，佢話希望可以打破畀人「斯文」、「安靜」嘅呢啲框框，等大家睇到佢唔同嘅面貌咁話！Yoyo除咗可以率先拍《季前賽》外，仲成為廣告寵兒，難怪即刻有傳被公司力捧，但對於傳聞Yoyo笑笑口話唔覺得，又好叻女咁話多謝公司畀機會，絕對係襟撈呀！
但始終第一次拍劇難免都會有啲小緊張，同時Yoyo又自認係個好易冇自信嘅女仔，所以開拍前努力刨熟劇本，做足準備。《季》入面咁多演員，Yoyo怕醜點名對張繼聰心心眼，仲經常向對方偷師添！想知Yoyo拍《季》仲有咩難忘事？為劇集奉獻啲咩嘅第一次？之後佢仲想同邊位藝人合作？就要留意最新一集嘅《Viu1人物專訪》啦！
