【Viu】193郭嘉駿今日化身「巿民郭先生」，聯同3位拍檔S.Ho、Adam及Ringo，現身土瓜灣，為Cafe店「Tanuki Coffee」開幕做準備，郭先生透露Cafe會喺10號開幕，今次合資200多萬港元，問到係咪投資全副身家？郭先生話3哥比較富有，未至於全副身家，又話幾位拍檔都係中學同學，一齊打籃球，以前經常去日本韓國試Cafe，希望喺香港開返間精品咖啡，所以裝修都用咗好多錢，亦選用本地設計，單係吉祥物狸貓公仔都5位數，笑言如果顧客整爛咗，每隻會索償19300蚊！
由於疫情影響，新舖延遲咗兩個月開張，舖租連人工蝕足廿萬，但有信心一年內回本，仲有計劃開分店，知你咩料啦！郭先生又分享「呃錢方法」，希望各位老婆立食10分鐘好走，可以做多幾輪生意，但食物定價對比坊間cafe，依然算有良心！郭先生話3哥唔會嚟做生招牌，只會間唔中嚟打躉飲免費咖啡，又自認係404，如果ERROR成員嚟一定免費，仲預告會送咖啡去偶像嘅拍劇現場應援添！
