【Viu】國際著名時裝品牌今日喺香港舉行時裝騷，雲集世界各地男神女神，第一場嘅香港男神代表有張敬軒同Jay Fung馮允謙，但軒公笑言唔敢做代表，要將為港爭光嘅重任交畀Jay Fung，本來想Chok爆全場嘅軒公，單眼放電後仲豪言驚大家「噴水」，大家咪心邪，係笑到噴水啫！
至於好耐冇喺香港出席活動嘅台灣男神陳柏霖，原來仲記得廣東話㗎，仲將品牌logo融入心心，加埋個酒粒真係好Cute呀，「大仁哥」真心唔識老㗎！而日本男神宮澤冰魚就超級Gentlement，加埋高挑身形好Sharp醒；泰國代表就有Blue Pongtiwat，派心都巧Cute㗎！
女神方面都好吸睛，又高又靚嘅袁澧林當然無敵啦，同樣高人一等嘅何詩蓓嘅笑容都好殺食！Cloud同Nancy亦齋騷美腿兼sweet爆派心；孖妹張蔓莎激罕性感上陣，蔓姿就繼續型格。想睇更多各地型男索女同電影人，記得睇現場實況喇！
