【Viu】 第三次喺戶外表演嘅Jeffrey魏浚笙，噚晚以一身禮服現身《博愛SO ME SHOW MUSIC》，Fans不停叫Encore氣氛狂熱。Jeffrey話覺得自己表現淡定咗，講到年尾嘅頒獎禮，佢表示今年做咗好多唔同嘅歌，盡咗力就可以，唔恨話攞到咩獎。Jeffrey又透露拍戲時邀請咗王菀之幫手做新歌，仲爆MV會有新嘢玩？
而無緣入叱咤樂壇我最喜愛的男歌手10強嘅Jay Fung，就話本身冇預期入12強，之前因為同Fans講如果入到10強會Post「黑圖」，但Jay Fung依然牙齒當金使話會找數噃。
新晉組合Me&第一次現場演唱，笑言自己值高分，皆是平時練習都以120分做目標，就係怕現場甩轆。Me&表示上到台同觀眾互動，都覺得好爽想再有表演！至於11月22號生日嘅ANSONBEAN透露會同家人、朋友慶祝，而Cloud雲浩影都勁有心，話會送份神秘禮物俾壽星，想知係咩？即刻睇足本訪問啦！
