【Viu】Jay Fung馮允謙同Cloud雲浩影噚日出席新碟簽唱會，Jay對於處男紅館騷嘅優先訂購火速爆滿感興奮，仲自爆前一晚因為擔心銷情而瞓唔著，希望今日公開發售同樣好成績，仲明言想加場！Jay透露目前積極操肌同練舞，連最愛嘅賀年食品都要戒，加上兼任《全民造星V》導師，睡眠時間都犧牲埋！
至於第一次舉行簽唱會嘅Cloud，心情勁緊張，連Jay Fung喺搭車時叫佢試聽新歌都決絕Say no，但就主動申請去師兄演唱會做嘉賓。講到新年點慶祝，Cloud就話每年必煲《嚦咕嚦咕新年財》，亦有打牌發吓新年財，中文都唔識多隻嘅Jay即搭嗲話識打牌，最叻食雞糊咁話！
