0
0
〈好遊〉輕鬆行山遊 香港仔水塘

〈好遊〉輕鬆行山遊 香港仔水塘

〈好遊〉輕鬆行山遊 香港仔水塘

【A&M Diary】嚟到weekend就梗係要同M佬拍拖啦!近期,我哋就愛上咗行山,除咗可以親親大自然同呼吸新鮮空氣之外,更加可以鍛鍊身體同減肥添!加上行山徑內亦有唔少打卡熱點,都好適合一家大細嚟上一堂大自然嘅通識科!今日我哋就嚟到香港仔郊野公園,由灣仔峽公園行去香港仔水塘。呢條郊遊路線輕鬆易行,十分適合行山初哥!

由灣仔峽公園行去香港仔水塘,沿路都係落山嘅石屎斜路,而大部分路段都有樹遮蔭,除咗適合行山初哥亦都係一條親子路線,落到去終點就係香港仔,仲可以食吓嘢先返回市區。如果好似我哋咁,選擇揸車嚟嘅,就可以將車先泊喺灣仔峽公園外嘅咪錶停車位,但行到去香港仔水塘就要沿路折返喇!

提提你
1. 由灣仔峽公園起步到香港仔水塘,沿途係落山石屎斜路,適合行山初哥同一家大細,但都要量力以為
2. 灣仔峽公園設有小食亭同洗手間,但沿路就再無士多補給站,大家記住自備所需用品
3. 大家記住保持環境清潔,自己垃圾自己帶走,絕對唔可以破壞大自然環境

前往方法
1. 乘坐新巴15號巴士,至灣仔峽道站下車
2. 灣仔峽公園設有咪錶位,自駕人士可以泊喺呢度,夠晒方便

灣仔峽公園
公園面積唔算大,但有涼亭、野餐檯凳、小食亭同洗手間,加上係唔少行山路徑嘅中途站,絕對係行山人士嘅補給休息地方!喺公園旁邊就係香港仔郊野公園嘅入口,前往香港仔水塘。

香港仔郊野公園
郊野公園內當然唔少得野餐同燒烤地點,仲有石卵路同健體等設施,加上香港仔自然教育徑內有好多紅膠木、大頭茶、錫葉藤同其他藤本植物,亦係一個學習同了解大自然嘅地方,所以一路上都唔會覺得悶。重點嘅香港仔水塘亦位於郊野公園內。

香港仔水塘
分為上水塘同下水塘,當時興建水塘主要為鴨脷洲同港島西區提供食水,香港仔水塘總容量為126萬立方米,而上水塘水壩、石橋、水掣房同下水塘水壩被列為法定古蹟。

香港仔上水塘
因為依家係秋冬季節,所以水塘嘅水唔多,喺上水塘主壩行嘅時候就見到著名嘅石橋。主壩好宏偉,而拱形嘅石橋亦都非常靚。但如果春夏雨季嚟嘅時候,水壩就會排洪,行嘅時候要特別小心。

  1. 更多
  1. 【晨早新聞重點】(12月8日)
    【晨早新聞重點】(12月8日)
    4分鐘前
  2. 海洋公園上年度虧損近18.2億 園方:不影響現金流
    海洋公園上年度虧損近18.2億 園方:不影響現金流
    7小時前
  3. 渣打:部分信用卡出現未經授權交易 若核實會主動退款
    渣打:部分信用卡出現未經授權交易 若核實會主動退款
    7小時前
  4. 習近平到沙特國事訪問 獲沙特最高規格接待
    習近平到沙特國事訪問 獲沙特最高規格接待
    7小時前
  5. 北京等多地調整防疫措施
    北京等多地調整防疫措施
    7小時前
  6. 習近平到沙特國事訪問 中沙預計會簽署總值300億美元協議
    習近平到沙特國事訪問 中沙預計會簽署總值300億美元協議
    7小時前
  7. 【12月7日疫情速報】(22:50)
    【12月7日疫情速報】(22:50)
    8小時前
  8. 澤連斯基及「烏克蘭精神」獲選《時代》雜誌「風雲人物」
    澤連斯基及「烏克蘭精神」獲選《時代》雜誌「風雲人物」
    8小時前
  9. 習近平抵達沙特阿拉伯展開國事訪問
    習近平抵達沙特阿拉伯展開國事訪問
    8小時前
  10. 德國警方拘25名極右翼恐怖組織成員 涉密謀推翻政府
    德國警方拘25名極右翼恐怖組織成員 涉密謀推翻政府
    9小時前