【A&M Diary】又嚟到一個星期最期待嘅weekend喇！今次M佬揸住1064，帶埋我同B狗去到數碼港野餐放電。雖然香港可以同寵物共融嘅公園近年多咗好多，但數碼港公園仍然有佢吸引嘅地方。今個假期，無論係同小朋友定係帶寵物，都可以喺呢度盡情同陽光玩遊戲，過一個悠閒的週末。
提提你
1. 大家記住保持環境清潔，自己垃圾自己帶走，絕對唔可以破壞大自然環境
2. 公園設有公眾洗手間，方便遊客
前往方法
1. 乘坐往數碼港嘅巴士，數碼港公園位於數碼港商場外
2. 數碼港公園外設有咪錶位，數量唔多，如果無位，可以泊喺數碼港停車場，停車場提供消費泊車優惠
數碼港海濱公園
數碼港公園係南區海濱長廊嘅其中一段，臨海而建，所以喺呢度野餐就擁有無敵海景，仲可以眺望南丫島嘅風力發電站同三支煙囪。不過，今日嚟到，草地上面嘅草少咗好多，席地而坐就冇之前咁舒服啦！
