【A&M Diary】放工之後，當然要用一份有質素嘅晚餐慰勞自己啦！而對於唔少香港人嚟講，日本菜可以話係我哋最強嘅comfort food。位於尖沙咀K11嘅哲平食堂，餐廳走簡約和風設計，而主打嘅魚生丼飯，碗碗都用料十足，賣相精緻之餘，仲要夠晒新鮮，原來味道都可以令人瞬間放鬆。
哲平食堂：生赤海蝦雜錦刺身丼
哲平食堂嘅生赤海蝦雜錦刺身丼集合咗五款新鮮魚生，每一款都鮮味突出。當中最搶眼一定係大大隻嘅赤海蝦，肉質爽口彈牙，鮮甜度極高；而油脂豐富嘅三文魚入口即化，帶出濃郁甘香。中間位置仲放上肥美貝柱同晶瑩剔透嘅三文魚子，視覺同味覺都同樣吸引。將所有配料同帶微酸嘅壽司醋飯輕輕拌勻，魚生嘅鮮甜同飯嘅清爽完美融合，口感層次豐富，每一啖都令人回味。
