【A&M Diary】去尖沙咀韓國街就梗係食韓國菜啦！呢間由讀書時期已經幫襯開嘅漢城美食，喺2001年開店，真係漢城未改名做首爾已經食緊。漢城美食由韓國人主理，從傳統嘅韓國菜式，到近年大熱嘅人氣嘅炸雞都有，菜式種類繁多，加上座位寬敞，同樣適合家庭聚餐呢！
辣豬肉韓式石頭飯
唔同顏色嘅配料令石頭飯嘅賣相非常吸引，而且熱辣辣嘅石頭飯簡直係冬天之選，特別鍾意石窩邊嘅飯焦呢！將辣豬肉、辣醬同所有配料撈勻，味道唔會太辣，非常惹味，而且各種配菜又增加咗整個石頭飯嘅口感，好好味！
