【A&M Diary】藏居酒屋以其精緻嘅串燒，地道嘅居酒屋氛圍，聽住油脂跳動嘅滋味，成為工作日後最治癒嘅時刻。由踏入藏居酒屋，師傅非常健談，但對談又恰到好處，令你在深宵飯堂，仍感受到一份關心。另外，師傅對食材執著，出品嘅串燒火候啱啱好，充滿誠意。
藏居酒屋：三點漬物
紅酒漬蕎頭酸酸甜甜，夠晒醒胃；而藏居酒屋嘅牛蒡味道清淡而後徑帶微甜；蒜頭漬帶有清爽嘅口感，微辣嘅感覺就好似餘韻咁慢慢滲出，各具特色。
三點漬物
藏居酒屋：牛舌心、牛小排
厚切嘅牛舌肉味香濃，口感彈牙；而藏居酒屋嘅牛小排火侯控制得啱啱好，焦香嘅外層鎖住肉汁，仲帶有焦香嘅香氣，充滿層次。
牛舌心、牛小排
藏居酒屋：五花腩、葡萄豚肉卷
五花腩肥瘦適中，簡單嘅調味已經足夠令五花腩非常惹味，而藏居酒屋更將五花腩串燒經大火灸燒，更逼出油份，減低罪惡感；而葡萄同䐁肉呢個頗新鮮嘅組合，原來都幾夾！葡萄帶有微微嘅花香，加上清甜嘅果汁就好似魔法一樣，令豚肉一啲油膩感都冇，更突出肉香。
五花腩、葡萄豚肉卷
