【A&M Diary】旺角有唔少特色嘅街道，鍾意尋寶嘅話唔定會有驚喜呢！至於嚟到花園街，我哋嘅尋寶唔係市集上嘅百貨或者地攤，反而係街道兩旁嘅餐廳。喺人多熱鬧嘅花園街，有一間文青木調嘅餐廳，形成強烈嘅對比，令賞島咖啡屋成為喧鬧嘅淨土。
慢煮雞胸柚子汁沙律
以慢煮製作嘅雞胸肉，肉質完全唔會鞋颯颯，入口軟腍，酸酸甜甜嘅柚子汁，更令雞胸肉帶有清爽嘅感覺。
海鮮龍蝦湯
龍蝦湯嘅龍蝦鮮甜味香濃，仲有啖啖龍蝦肉同原隻蜆肉，味道鮮甜突出，層次豐富。
美國安格斯肉眼
肥美肉厚嘅美國安格斯肉眼，五成熟就最啱我心水。肉質Juicy，牛肉味濃厚，非常惹味。至於配菜嘅大啡菇索晒肉汁，加上香濃嘅菇菌味，好好味呢！
