【A&M Diary】喺倫敦泰晤士河兩旁都有唔少景點，好似係大笨鐘、倫敦眼、西敏寺、仲有以海洋生物為主題嘅倫敦海洋生物水族館（The Sea Life London Aquarium），絕對係每個倫敦旅客必到嘅地方！倫敦海洋生物水族館係英國其中一個大型嘅水族館，除咗鯊魚、海馬、珊瑚魚之外，仲有倫敦海洋生物水族館全球獨有嘅園區。
喺倫敦海洋生物水族館（The Sea Life London Aquarium）嘅海洋生物多達500種，超過1000條嘅海洋生物住喺14個園區。其中以泰晤士河生物為主題，係喺倫敦海洋生物水族館（The Sea Life London Aquarium）全球獨有嘅園區，一齊了解一吓呢條倫敦，甚至係英國最重要嘅河流嘅海洋生物啦！
講到倫敦海洋生物水族館（The Sea Life London Aquarium）我哋最欣賞嘅地方，就係每個魚缸入面都有唔同嘅主題擺設，令我哋觀賞海洋生物嘅時候，更添趣味。例如，魔鬼魚就住喺巨大嘅鯨鯊石骨佈景魚缸、鯊魚就係喺失落嘅復活節島魚缸，影相打卡都好靚㗎！
另外，倫敦海洋生物水族館（The Sea Life London Aquarium）仲住咗好多瀕危嘅海洋生物，例如刺鰩、牛鼻鱝群、古巴鱷、綠海龜、水虎魚等。而講到可愛嘅海洋生物當然唔少得小丑魚、海馬同八爪魚啦！
至於水族館嘅明星，當然唔少得企鵝啦！喺倫敦海洋生物水族館（The Sea Life London Aquarium）住咗唔少巴布亞企鵝，佢哋真係好得意㗎，真係忍唔住要不停同佢哋影相打卡呀！
最後，倫敦海洋生物水族館（The Sea Life London Aquarium）仲有水母、海星等海洋生物。大家仲可以親手觸碰海星等嘅海洋生物，加上水族館內有唔同教育類型嘅展板，絕對係一個親子學習海洋生物嘅好地方。
