【A&M Diary】我哋超鍾意去主題樂園，亦特別鍾意挑戰過山車！如果你都鍾意刺激嘅機動遊戲，咁英國嘅Alton Towers就一定要bookmark，因為呢度有8架超刺激嘅過山車，絕對唔會令你失望。本文就綜合Alton Towers嘅門飛、開放時間、前往方法、八大過山車嘅賣點等有用資料，集成本篇最強攻略，等你可以最輕鬆咁玩齊所有遊樂設施！
Alton Towers門飛價格
Alton Towers嘅面積非常大，所以好多人都話要玩兩日先玩得晒。不過，我哋嘅目標主要係八大過山車，所以我哋當時只係買咗一日門飛。但如果你想玩得輕輕鬆鬆，兩日門飛可能就比較適合你啦！
經Klook購買Alton Towers門飛比入場時購買可享高達75折優惠！
門飛：HK354起（立即購買）
Alton Towers開放時間
星期一：10:00-18:00
星期二至星期五：10:00-16:00
星期六及星期日：10:00-17:00
Alton Towers前往方法
1. 自駕遊：強烈建議自己揸車去Alton Towers，全日泊車價錢係£6，由停車場步行前往主題公園約15分鐘。至於另一個距離主題公園校近嘅停車場，需要步行約3分鐘，全日泊車價錢係£18
2. 公共交通工具：可以乘坐火車到Stafford或Uttoxeter再轉乘X41巴士，不過巴士班次只有逢星期一至六往返各一班，所以錯過咗嘅話，只能夠坐的士或Uber。
Alton Towers地圖
Alton Towers嘅面積非常大，所以你需要一張地圖。不過喺樂園景區入邊，紙本地圖需要另外收費，所以我哋建議你喺出發之前download Alton Towers嘅應用程式，除咗可以睇到樂園景區內嘅地圖之外，仲可以睇到每一個遊樂設施嘅排隊時間，方便你去選擇遊玩嘅先後次序。
Alton Towers過山車：Oblivion
Oblivion係全世界第一個垂直降落嘅過山車！呢個過山車係將過山車同跳樓機合二為一，但同跳樓機唔同，因為你嘅視覺係直衝落底！而且喺衝落去之前，過山車會停低幾秒，絕對係考你嘅膽量！
Alton Towers過山車：Rita
Rita係Alton Towers其中一個最熱門嘅過山車，以高速取勝，更曾經保持住全世界最快嘅起步速度：372公里/小時！
Alton Towers過山車：Galactica
Galactica以太空為主題，玩嘅時候先將你吊起，面向地下，所以背脊完全唔係貼住個椅背，離心力唔算大，但因為睇唔到前面嘅路線，非常緊張刺激。
Alton Towers過山車：Nemesis
Nemisis係Alton Towers歷史最悠久嘅過山車之一，但一直深受歡迎，因為佢係全歐洲第一個360度旋轉嘅雙腳凌空過山車，腳不踏實地嘅感覺，增加刺激感！
Alton Towers過山車：Th13teen
Th13teen過山車以鬼屋做主題，潮濕嘅木叢、屍體、墳墓等逼真嘅場景，去到一個昏黑嘅地方，更會好似跳樓機咁突然跌落幾層，充滿驚喜！
Alton Towers過山車：Wicker Man
Alton Towers最新開嘅過山車之一，亦係超強人氣嘅木製過山車。呢個過山車比較近大門口，而且刺激度唔大，所以我哋建議入場嘅時候可以先玩呢個，壯一壯膽。
Alton Towers過山車：Spinball Whizzer
呢架過山車主題係波子機，所以車廂會360度自轉，刺激度唔大，但要有頭暈嘅心理準備。
Alton Towers過山車：The Smiler
最好玩！最好玩！最好玩！呢個過山車係人龍最長嘅過山車，佢嘅賣點係旋轉最多，足足轉成14個圈，又刺激又好玩！
