【A&M Diary】杜莎夫人蠟像館（Madame Tussauds）喺全世界唔同城市都有分館，其中包括香港，絕對係全世界最大規模嘅博物館。杜莎夫人蠟像館（Madame Tussauds）成立超過250年，而全球第一座杜莎夫人蠟像館（Madame Tussauds）就係位於倫敦。本身以為杜莎夫人蠟像館（Madame Tussauds）都係同蠟像影相打卡，但原來倫敦杜莎夫人蠟像館（Madame Tussauds London）仲有唔少驚喜嘅設施，一齊睇吓10個不可錯過嘅必玩攻略。
1. 倫敦杜莎夫人蠟像館（Madame Tussauds London）：Award Party
一入嚟倫敦杜莎夫人蠟像館就梗係要行紅地毯啦！行完紅地毯之後，就會正式進入倫敦杜莎夫人蠟像館嘅世界。第一個主題區就係Award Party，等大家感受奧斯卡嘅氣氛，登上殿堂級嘅舞台。呢度嘅名人包括：狄維莊遜（Dwayne Douglas Johnson）、碧咸（David Beckham）、湯姆哈迪（Tom Hardy）、畢彼特（Brad Pitt）、艾迪瑞德曼（Eddie Redmayne）、班奈狄克康柏拜區（Benedict Cumberbatch）等。
2. 倫敦杜莎夫人蠟像館（Madame Tussauds London）：Music
講到蠟像館嘅名人，又點少得世界級嘅歌手呢？喺倫敦杜莎夫人蠟像館嘅名人歌手包括有：Lady Gaga、Beyoncé、 小賈斯汀（Justin Bieber）、愛莉杏奈（Ariana Grande）、杜娃黎波（Dua Lipa）、大衛鮑伊（David Bowie）、紅髮艾德（Ed Sheeran）等。
3. 倫敦杜莎夫人蠟像館（Madame Tussauds London）：Royals
嚟到英國又點可以唔見吓事頭婆呢？喺倫敦杜莎夫人蠟像館就有唔少英國皇室成員，包括：伊莉莎白二世（Queen Elizabeth II）、威爾斯親王查爾斯（His Royal Highness Prince Charles, The Prince of Wales）、戴安娜（Diana）、卡蜜拉（Camilla）等。
4. 倫敦杜莎夫人蠟像館（Madame Tussauds London）：Film
我好鍾意《飢餓遊戲（The Hunger Games）》呢套電影，所以嚟到倫敦杜莎夫人蠟像館就可以同女主角凱妮絲艾佛丁（英語：Katniss Everdeen）盡情影相啦！另外，仲有6代嘅占士邦（James Bond）同場，好多大隻佬呀！
5. 倫敦杜莎夫人蠟像館（Madame Tussauds London）：Sport
喺體育明星區域，就有穆罕默德法拉（Mo Farah CBE）、安東尼約書亞（Anthony Joshua）、穆罕默德阿里（Muhammad Ali）等。
6. 倫敦杜莎夫人蠟像館（Madame Tussauds London）：Marvel Hall of Heroes
鍾意漫威（Marvel）嘅超級英雄，喺倫敦杜莎夫人蠟像館就可以滿足到你同超級英雄打卡嘅願望喇！呢度嘅漫威（Marvel）超級英雄包括：黑豹（Black Panther）、美國隊長（Captain America）、蜘蛛俠（Spider Man）、鐵甲奇俠（Iron Man）同4.5米高嘅浩克等。
7. 倫敦杜莎夫人蠟像館（Madame Tussauds London）：Star Wars
除咗超級英雄，星球大戰（Star Wars）都有唔少粉絲，嚟到倫敦杜莎夫人蠟像館仲可以飛上外太空，同一班星球大戰明星打卡影相。喺星球大戰（Star Wars）區域就有丘巴卡（Chewbacca）、尤達（Yoda）、達斯維達（Darth Vader）等。
8. 倫敦杜莎夫人蠟像館（Madame Tussauds London）：Kong: Skull Island
嘩！呢隻住喺骷髏島嘅金剛（King Kong）接近5.5米高，而且佢仲會呼吸、眨眼同咆哮。記住同埋旁邊嘅詹姆士康瑞（Captain James Conrad）影相呀。
9. 倫敦杜莎夫人蠟像館（Madame Tussauds London）：The Spirit of London
除咗以上嘅名人，喺倫敦杜莎夫人蠟像館仲有政治名人、模特兒等蠟像同你影相架！但講到我哋最舊喜嘅景點就係The Spirit of London，我哋要坐上一架的士，遊走倫敦唔同嘅歷史片段，4分鐘就了解倫敦百年歷史。
10. 倫敦杜莎夫人蠟像館（Madame Tussauds London）：Marvel Universe 4D
喺倫敦杜莎夫人蠟像館另一大受歡迎嘅設施就係Marvel Universe 4D，故事正正發生喺倫敦杜莎夫人蠟像館，透過視覺同感官，大人小朋友都肯定非常投入呢個故事。所以話倫敦杜莎夫人蠟像館充滿驚喜設施，唔止係同蠟像影相打卡咁簡單。
