【A&M Diary】如果你係鴨脷洲嘅街坊，一定認識位於鴨脷洲大街嘅食記餐店啦！鴨脷洲嘅食記餐店鄰近南港島綫利東站，所以我哋鴨脷洲半日遊嘅第一站就去到食記餐店醫肚。食記餐店嘅環境雖然麻麻，但啲街坊就係鍾意呢種情懷，連少見嘅炸油池都有㗎！
魚肉翅
價錢唔貴之餘，魚肉嘅份量超多，真係多到滿瀉，勁抵食呀！不過，魚肉無魚味，口感硬實，麻麻哋啦，但勝在碗仔翅超足料，碗仔翅有大量肉絲同木耳絲，味道啱啱好，湯質又唔會太濃稠，碗仔翅絕對可以encore，超好味呀！
煎腸粉
食記餐店唔興即叫即煎或即叫即炸，好多嘢食都係預先整好，包括呢碟煎腸粉。不過，都算夠熱嘅。呢碟煎腸粉嘅蝦米十足，加上豉油吊味，唔錯。
