0
0
〈好遊〉假如真的再有個約會 大坑虎豹樂圃

〈好遊〉假如真的再有個約會 大坑虎豹樂圃

〈好遊〉假如真的再有個約會 大坑虎豹樂圃

【A&M Diary】仲記得小時候,A姐嘅公公帶過我去位於大坑嘅虎豹別墅玩,講到以前虎豹別墅最深刻嘅景點,當然係十八層地獄啦!細細個覺得好恐怖㗎,但至少學識咗唔少做人道理。經過活化後嘅虎豹別墅已成為虎豹樂圃,免費開放俾大家參觀,今個weekend不如同虎豹別墅再約會啦!

(提提你:因應疫情期間之人數安排,參觀虎豹樂圃必需要提前預約,預約按此

當年嘅虎豹別墅同萬金油花園,依山而建,而胡文虎先生同佢嘅屋企人就係住喺紅牆綠瓦嘅大宅內,而當年胡文虎先生興建萬金油花園,係為咗讓當年殖民地時期嘅華人有一個公共空間遊樂(當時好多地方,華人與狗不得內進),花園內除咗十八層地獄,虎塔亦係園內嘅地標。不過,自1954年胡文虎先生病逝後,萬金油花園等地段分階段出售,只留下被評為一級歷史建築嘅虎豹別墅主樓同私人花園,最後加入音樂同藝術元素,重新活化成為今日嘅虎豹樂圃。

入口
當年嘅正門大閘,依家同旁邊嘅住宅相連,所以參觀者要經新建嘅電梯入口入場,入場處就有吉祥物:虎先生,迎接大家。

虎豹別墅
別墅屬中式文藝復興建築風格,外型係中式,但唔少設定都夾雜住西方嘅味道,好似係裝有意大利彩繪玻璃窗、印度式嘅雕刻、裝飾同鍍金壁畫等等。大廳係唯一開放俾大家自由參觀,如果想參觀其他部份,咁就要參加導賞團喇。不過,由於我哋無參加到導賞團,所以我哋都唔拋書包介紹喇,大家慢慢細味啦!

十八層地獄
而當中嘅十八層地獄就變成浮雕壁畫,講真,真係無以前咁震撼。

中央噴泉
呢個噴泉配合埋別墅做背景,絕對係虎豹樂圃一個最靚嘅打卡位。

  1. 更多
  1. 英國民眾發起汽車慢駛抗議汽油價格上漲
    英國民眾發起汽車慢駛抗議汽油價格上漲
    7小時前
  2. 傳拜登最快本周宣布撤銷部分對華商品關稅
    傳拜登最快本周宣布撤銷部分對華商品關稅
    10分鐘前
  3. 美國伊利諾伊州慶祝獨立日巡遊活動發生槍擊案 最少6死31傷
    美國伊利諾伊州慶祝獨立日巡遊活動發生槍擊案 最少6死31傷
    11分鐘前
  4. 【晨早新聞重點】(7月5日)
    【晨早新聞重點】(7月5日)
    17分鐘前
  5. 烏克蘭籲以俄羅斯寡頭被沒收資產支付重建開資
    烏克蘭籲以俄羅斯寡頭被沒收資產支付重建開資
    7小時前
  6. 「為食火鍋」部分設備曾故障   不排除這些因素造成傳播
    「為食火鍋」部分設備曾故障   不排除這些因素造成傳播
    8小時前
  7. 澳門全民檢測暫發現10管混樣樣本呈陽性
    澳門全民檢測暫發現10管混樣樣本呈陽性
    8小時前
  8. 【7月4日疫情速報】(23:00)
    【7月4日疫情速報】(23:00)
    8小時前
  9. 【附連結】43個地方納入強制檢測公告 (7月4日)
    【附連結】43個地方納入強制檢測公告 (7月4日)
    9小時前
  10. 王毅與緬甸外長溫納貌倫主持瀾湄合作第七次外長會
    王毅與緬甸外長溫納貌倫主持瀾湄合作第七次外長會
    9小時前