0
0
〈好遊〉香港月租酒店及Staycation之選 香港逸酒店

〈好遊〉香港月租酒店及Staycation之選 香港逸酒店

〈好遊〉香港月租酒店及Staycation之選 香港逸酒店

【A&M Diary】想同另一半過二人世界,除咗可以玩近期大熱嘅酒店Staycation之外,月租酒店都係一個唔錯嘅選擇,或者可以趁呢段同居時間,睇清楚M佬究竟嫁唔嫁得過啦,哈哈!

其實依家唔少酒店嘅月租優惠套票,可能比起租劏房仲要平,而且仲有更大私人空間同酒店式嘅服務。如果屋企要裝修、追求私人空間或者好似我咁,想深入了解你嘅另一半,月租酒店確係一個唔錯嘅選擇,租期又相對有彈性,租一個月都得,唔洗受生約死約所規範。

今次我哋就去到紅磡嘅逸酒店Hotel Sav,先玩一晚Staycation,check-out之後參觀埋佢哋嘅月租示範單位添,不如下個月一齊搬去逸酒店做鄰居啦!

酒店大堂
酒店位於紅磡,由黃埔港鐵站步行10分鐘就到喇,交通位置都算方便!逸酒店樓高25層,提供超過380間客房。酒店認為顏色係心靈嘅語言,所以酒店嘅設計非常色彩繽紛,又不失型格。

原先嘅前台位於1樓,但因為疫情關係,酒店將前台搬到地下,以防止有病症嘅人進入酒店範圍,所以酒店前台非常簡單,但手續非常迅速,我哋好快就check-in成功,去到房間喇!

客房區域
我哋今次入住高級大床房,酒店喺2015年開業,房間尚算新淨。客房面積唔算大,床係一張標準雙人床。雖然床褥就比較硬,但驚喜在於提供枕頭menu,可以揀選合適你嘅枕頭。

至於窗就採用落地玻璃設計,景觀為紅磡一帶景色,我哋入住16樓,尚算開揚,令房間空間感大增。

房間另設有開放式衣櫃、電熱水壺、2支支裝水、雪櫃同免費茶包等等。為對應番顏色係心靈嘅語言,房間亦可自行調教色彩,今日我就揀咗代表放鬆嘅綠色,坐喺書枱嘅位置寫吓稿喇。

另一驚喜係電視頻道嘅選擇好多,留喺房間都有唔同嘅電影台選擇,絕對唔怕悶親你。

浴室區域
浴室嘅面積又唔會太迫,就算淋浴位置企2個人都仲有大把位轉身。至於沐浴用品使用自家品牌,我覺得都唔錯!至於個人用品方面,包括有:牙膏、牙刷等等。

健身室
酒店設有健身中心,器材方面有跑步機、單車機、踏步機同啞鈴等等。喺勁多嘢食嘅紅磡,食飽飽再做吓運動都唔錯。

共享空間:The Space@sáv
酒店設有室內同戶外共享空間,無論你係月租定日租,都可以嚟到呢度睇下書,玩下桌球或足球機,亦可以免費租借board game,包括大富翁、UNO同層層疊等等,同朋友一齊玩下。

而我哋最鍾意就係個戶外空間,睇下書、聽下歌,成個人放空一下,相當唔錯。

閱讀室
喺酒店亦設有閱讀室,環境都唔錯㗎,可以喺呢個寧靜嘅環境睇吓書,都幾心曠神怡。

  1. 更多
  1. 澳門增2宗輸入關聯新冠病毒確診 下午啟動全民檢測
    澳門增2宗輸入關聯新冠病毒確診 下午啟動全民檢測
    3小時前
  2. 國民黨改選黨主席 四人競選料傍晚有結果
    國民黨改選黨主席 四人競選料傍晚有結果
    7分鐘前
  3. 李家超:支持外交部列出美國干預香港事務清單
    李家超:支持外交部列出美國干預香港事務清單
    25分鐘前
  4. 分析:事件發展有助緩和中加與中美關係 華為未脫身
    分析:事件發展有助緩和中加與中美關係 華為未脫身
    30分鐘前
  5. 美日印澳四方安全對話實體峰會 承諾促進印太地區自由開放
    美日印澳四方安全對話實體峰會 承諾促進印太地區自由開放
    1小時前
  6. 林鄭:香港經濟受政治拖累致未能近水樓台
    林鄭:香港經濟受政治拖累致未能近水樓台
    1小時前
  7. 澳門增2宗輸入關聯新冠病毒確診 下午啟動全民檢測
    澳門增2宗輸入關聯新冠病毒確診 下午啟動全民檢測
    1小時前
  8. 三人前年理大外暴動罪成判監五年至五年八個月
    三人前年理大外暴動罪成判監五年至五年八個月
    1小時前
  9. 支聯會下午表決是否解散 鄧炳強:解散非可免責
    支聯會下午表決是否解散 鄧炳強:解散非可免責
    1小時前
  10. 鄧炳強:現在是回歸以來廿三條立法最佳時機
    鄧炳強:現在是回歸以來廿三條立法最佳時機
    1小時前